英U21半場搞掂奧U21

猪拉多纳

英格蘭U21積極備戰歐國盃，今次喺主場約咗奧地利拍跳，英軍八連勝零失球勢如破竹，佢哋現時以利物浦球員為骨幹，三線人才濟濟，級數遠在奧地利之上，相信用半場時間已可K.O.對手，捧「半場主勝」！

（now 632周二凌晨3時45分直播）
紅軍四子有料到

利物浦今季重用本土年輕球員，守將韋斯頓、中場舒維爾及箭頭史達寧不時有機會參與英超賽事，加埋貴價兵佐敦軒達臣，隊內英格蘭小將甚具分量。英格蘭U21受惠於「紅軍」年輕化政策，教頭皮雅斯上場重用利物浦四子效果理想，雖然今場天才箭頭韋費特沙夏要整牙缺陣，但隊內仲有多個優質前鋒，域咸、蘇杜爾同迪爾科尼素個個都有料到，火力甚強，夠晒本錢搞掂對手！

英格蘭大國腳名大於實，但英軍小國腳絕非浪得虛名，佢哋對上八戰全勝，淨係喺歐國外附加賽兩戰塞爾維亞半場贏唔到，其餘六場半場全部領先，最犀利係八場波加埋一球不失，攻得又守得。奧地利U21由一代名將靴索領軍，喺歐國外八戰贏三場無緣晉級，演出一般，隊內最勁嗰個係射手基哥列舒治，但佢只係德甲球隊賀芬咸後備箭頭，級數麻麻，惡唔出樣。英軍質高態勇，有力大勝，除捧「半場主勝」外，可兼顧埋大盤。