寫給尹佬黎祥的兩封短信

猪拉多纳

本周日又係國際賽期，戲碼比較弱，冇乜特別外國足球話題好講，趁臨近清明時節，寫封短信給香港球壇巨星尹志強及黎新祥兩位故人，訴說一下近況。
致亞洲第一中鋒：

你不經不覺已離開了3個春天，近期香港球壇難免會有些爭吵，但整體情況尚可。遺憾係甲組足球仍乏善可陳，自從你、歐偉倫同韋君龍之後，香港缺乏優秀中鋒接班人。負面消息唔多講，令人安慰係你嘅最愛米雪仍好努力積極工作、照顧家人，穿梭中港兩地。米雪早前同我去拜祭你之後，參與20場舞台劇《我和春天有個約會》演出。你嘅慈父度過咗80大壽，身體仍然非常健康，仲話想同我今夏一齊入場睇曼聯訪港嘅比賽添！
致魔鬼教練：

冇咗你呢位獨一無二嘅魔鬼教練，港隊無論用本地或者外國高價過客教練，都係唔掂，青訓亦無復你喺銀禧時期嘅光景。慶幸你嘅高徒譚兆偉、山度士等已經係香港足球學校嘅新魔鬼教練。更令人欣慰係黎師母延續你對足球嘅興趣，經常同東方足球隊老中青教練球員食飯，輕談波經。黃文偉、大哥瑜冇咗你呢位高爾夫球腳之後，球技再冇多大進步。
金句：

祝願兩位老友繼續享受天國喜樂