熊本羅亞素「+1」起飛腳

猪拉多纳

今日主打係日本波，阿King想同大家研究日乙賽事，其中大阪飛腳作客熊本羅亞素值得留意，雖然飛腳於日乙實屬大超班，不過日本國家隊徵召中場核心遠藤保仁，今仗唔使預佢，令飛腳進攻大受削弱，熊本羅亞素可乘虛而入趁機搶分，「讓球主勝」值博。

（周三中午12時開賽）

如果有睇開日本波嘅朋友，都知道大阪飛腳前幾年曾經風光過，唔單止奪得國內冠軍，08年更捧走亞冠錦標，並且以有前冇後、打死罷就見稱，踢出賞心悅目進攻足球；不過飛腳上季表現走晒樣，最終意外地護級失敗，好彩主力遠藤保仁捱義氣決定留隊，令飛腳不至甩皮甩骨。

其實飛腳今季降落乙組，猶如虎入羊群，加上球隊矢志升班，鬥心不用懷疑。可惜，開季三場只係贏過弱旅長崎成功丸，新教練長谷川健太仍未能改善攻強守弱嘅老毛病，表現差強人意。
綠雉食唔住蜀葵

眾所周知，遠藤保仁係飛腳進攻命脈，但嚟緊日本國家隊會踢兩場國際賽，包括下周中世盃外10強賽作客約旦，「東瀛兵團」教頭沙哲朗尼不僅召入遠藤隊長，連主力守將今野泰幸亦有份入選踢太公波，兩人均要缺陣，對飛腳攻守造成嚴重打擊，今仗寧要受讓嘅羅亞素「讓球主勝」。

至於剛剛提過升班球隊長崎成功丸，現時仍未適應日乙節奏，今仗主場迎戰同級球隊富山勝利，應會以穩為先唔會太進取，今仗唔慌多波入捧細盤。另外，岡山綠雉近年對水戶蜀葵都贏唔到，近兩次主場全部輸晒，加上綠雉攻力疲弱，就算主場出擊都冇本錢讓波，「讓球客勝」有計。