特雷斯登科隆「細」均力敵

猪拉多纳

今晚德乙獨腳戲由特雷斯登主場鬥科隆，一隊要爭護級，一隊就爭升班，聽落好似各有所求肯定搏到盡。之不過特雷斯登食胡人物米高樸迪死晒火，對家科隆一對箭頭亦都狀態麻麻，兩邊鋒力都信唔過，吼1.62倍入球細最穩陣。

（開賽時間：周二凌晨3:15）
米高樸迪1,227分鐘冇入波

特雷斯登揸住24分排聯賽榜下游，25輪聯賽入得24球，係全德乙鋒力至弱嗰隊，鬼咩！上季攻入12球嘅貝寧射手米高樸迪今季走晒樣，迄今只係攞到6個「士哥」，並且陷入長達1,227分鐘嘅入球荒，靠佢開飯真係蚊瞓！

作客嘅科隆牌面係秤先，近況仲唔錯添，但今季作客贏得4場咁大把，最弊係箭頭美亞賀化啱啱先至感冒好番，近兩課都缺操，另一射手亦只係傷愈冇耐仲未操起，今仗好大機會打後備，走去讓特雷斯登平半確係有隱憂，計我話捧個細最明智。