新特蘭 諾域治 夾計做「細」界

猪拉多纳

上星期推介紐記場護級大戰得手，今晚繼續向英超下游球隊埋手。新特蘭喺主場迎戰諾域冶，賽前雙方分別排喺第15同第14位，護級形勢唔算太差，今戰名副其實係6分波，雙方嘅踢法難免保守，兩軍仲要把握力麻麻，1.72倍「入球細」應該冇走雞。

向來靠主場搵食嘅「黑貓」，近排嘅狀態衰到貼地，近6場英超只得2和4負未贏過，除咗輸畀阿仙奴係情有可原，其餘砌低佢哋嘅都只係中下游護級對手，諸如昆士柏流浪，富咸同雷丁之流，一來一回，搞到原本形勢大好，到依家跌咗落第15位，開始要為護級憂心喇。
奧尼爾絕橋逼球員交貨

講真，新特蘭條防線開季嗰陣仲好穩健，可惜踏入季中，礙於傷兵纍纍同兵源不足，搞到佢哋嘅防守力出現問題，近6戰只得1場保住清白身，「智多星」奧尼爾一向有計，日前佢就開腔話唔會同季尾約滿嘅球員續約，等今季完咗先再算，擺明係逼丹尼路斯、古拿同奧沙等守將交貨！為咗份工，相信佢哋都會生生性性，做好防守嘅！可惜顧得後又顧唔到前，「黑貓」條鋒線同樣問題多多，成日靠史提芬費查一條友喺前面搵食，難怪對上6戰只係得5球進帳，當中仲有2球係12碼嚟添，今晚望佢哋入波？大貪啲啩。

對家諾域治狀態好「黑貓」少少，近6戰僅1敗，不過睇真啲，佢哋家陣只係排第14，多新特蘭3分咁大把，咪忘記「金絲雀」近6場波有4場食白果，射手格蘭荷特上仗仲衰到連12碼都唔入，鋒力咁弱，今晚點都會穩打穩紮，務求執分守住個護級靚位，兩邊都唔識攻，捧「入球細」係最明智嘅選擇。
推介：新特蘭（細）

Yennie

大學畢業後再戰模特兒界，憑住甜美笑容和豐滿身材，過去半年湧現不同類型的工作，稍後更會加盟有線球彩台。
微博傳情：今年做MC下年攞獎！

上星期係公司嘅Annual Award Presentation，小妹有幸擔任司儀一職。個個同事都悉心打扮，女嘅索，男嘅Chok！希望出年我企喺台嗰陣唔係讀司儀稿，而係背我篇得獎感受啦！