信多杜奧巴一鋪！

猪拉多纳

寫呢篇文嘅時候我仍然喺泰國，周日晚同班朋友喺酒吧，嘆住泰國啤一邊傾一邊睇「Cup本Cup」泰文版利物浦反勝熱刺場英超直播，大家都不知幾「疏肝」，呢場波夠緊湊，當然好睇過人妖騷！今晚落機之後，我就會直接返公司做節目，叉完電就要再努力工作喇！
史浩克飄忽讓波危

對我嚟講，今晚歐聯之夜嘅重頭戲係史浩克04對加拉塔沙雷。首循環我都有投X加拉塔沙雷主勝，好多拍檔都同我一樣選擇，估唔到嗰場史浩克踢出超水準，輸錢輸得心服口服。加軍自從杜奧巴同史奈達一月時加盟，佢哋已經同布拉卡爾馬斯組成「進攻鐵三角」，布拉卡爾馬斯暫時已有七個歐聯入球，係歐聯次席射手，進攻質素唔差得過對手，而倒戈嘅咸美艾天托普亦係呢場另一焦點。

史浩克啱啱喺上周六嘅魯爾區打吡擊敗多蒙特，士氣高漲，但呢場波亨特拉爾勇戰受傷，今晚上陣成疑，史浩克今晚想踢到好似首回合咁出色都有難度。史浩克今季狀態非常飄忽，讓得太多都不宜沾手，歐洲賠率主勝平均開1.7左右，讓半一多咗啲，寧捧下盤好過。