切爾達皇馬旺開半場細

猪拉多纳

今晚西甲皇家馬德里作客切爾達，皇馬連贏巴塞同曼聯，氣勢如虹，不過球員始終唔係機器，場場咁搏唔殘就假，今仗仲有「天使之翼」迪馬利亞因傷缺陣，遇上喺主場擅於初段玩拉布的切爾達，隨時老鼠拉龜，「半場細」有1.7倍值博。

（now 632周一凌晨2時直播）
主場好守得只失10粒

排緊尾三嘅切爾達只係落後第15位的奧沙辛拿5分，護級尚有一線生機，想留番喺甲組就要加把勁喇！切爾達一向靠主場搵食，今季6場贏波中，有5仗來自自己地頭，最重要係佢哋非常守得，喺主場只係失咗10粒咁大把，與皇馬、巴塞並列聯賽第3。

切爾達主場出擊分外醒神，尤其係倚重體力化嘅逼搶打法，及穩陣行先嘅思路，喺比賽初段異常奏效，往往令敵方無從入手，該隊今季14仗主場賽事中，有11仗半場得失球唔多過兩粒，包括西盃對皇馬、聯賽迎戰西維爾及華倫西亞等，證明佢哋條防線極有紀律。
料收起沙比迪馬利亞

皇馬近3場兩戰巴塞客鬥曼聯全部贏晒，今仗理應秤先，不過考慮到連場硬仗後，球員出現疲態亦人之常情，今仗難免回唔切氣。睇番上周中作客曼聯之戰，其實焗攻嘅皇馬都咬唔入對手，若非紅魔打少個令形勢逆轉，佢哋都幾難反勝晉級，中場指揮官沙比阿朗素仲紮住上陣，預計佢同受傷嘅迪馬利亞今仗齊齊避戰，攻守都有所削弱，加上近9作客8開半場細，面對擅於施「守」術嘅切爾達負隅頑抗，唔係咁易打破悶局，既然雙方主客都咁旺「半場細」，值得追多鋪。