新特蘭唔放過昆士柏

猪拉多纳

風流波一樣搏甩髀

英超榜尾球隊昆士柏流浪周六晚主場對新特蘭，上輪昆士柏流浪作客擊敗修咸頓，好多球迷都話班波終於嚟料。但昆士柏流浪表現唔穩定，好難就一場勝利就判定球隊可以大反彈。今場昆士柏流浪讓平半，度士覺得唔多抵玩，寧捧下盤新特蘭。

（有線303及203台周六晚11時直播）
昆士柏流浪未嘗連捷

唔少人都對昆士柏流浪有憧憬，成日都話班波嚟緊嚟緊。但嗌咗大半季昆士柏流浪都係包尾，你都咪話唔失望。上周以作客身份擊敗修咸頓，當然會增強昆士柏流浪信心，但今季球隊未曾試過打疊贏波，數據上就唔似贏到新特蘭。大家都知夏利列納係一個好領隊，昆士柏流浪喺佢調教之下亦有進步。但昆士柏流浪問題太多，好難期望夏利列納可以喺短時間之內搞得掂，唔好諗住昆士柏流浪可以場場都咁醒神。

新特蘭都乜好爭，但唔代表現要送分畀對手。就好似上輪新特蘭對住富咸，當晚新特蘭曾一度落後兩粒，但球員從來都冇放棄，最終都能逼和對手二比二。從賽事中可見新特蘭球員仍然有爭勝意欲，今場肯定會同昆士柏流浪打真軍，受讓平半必捧下盤。