噴射機回師主場有得輝

猪拉多纳

澳職紐卡素噴射機主場對珀斯光輝，兩支球隊近幾次對賽都由主隊勝出，其中一個原因係地理環境影響。實在雙方分別位處澳洲東及西部，縱然喺澳洲境內亦有時差出現，今次珀斯光輝作客出戰，對球員會構成一定程度影響，平手盤巨高捧主隊。

（有線64台周五下午4時30分直播）
珀斯光輝作客腳軟

珀斯光輝為眾多澳職球隊之中，唯一位處西部嘅球隊，地理因素令佢哋表現主強客弱，聯賽絕大部分勝仗都喺主場取得，今場到訪紐卡素噴射機當然要打折扣。

其實現時排尾二嘅珀斯光輝整體成績都唔係好，上輪聯賽贏到同級球隊ＦＣ悉尼參考性唔大。

對手紐卡素噴射機上輪慘吞墨爾本勝利五隻光蛋，大比數落敗的確令人產生疑問，不過要留意紐卡素噴射機近兩場都要作客，其中一場更去到新西蘭作賽，對於球員體力會有好大影響。今次終於「回家」比賽，相信演出唔會令球迷失望。

馬會今場開出平手盤，主隊分頭唔錯值得捧場。