西雅圖缺態撐堤格雷斯

猪拉多纳

周三賽事當然係以兩場歐聯作主打，但講到場數方面，聽朝嘅南美自由盃加埋中北美洲冠軍盃先係為數最多，值得深入研究。今屆自由盃分組賽戰果相當難預期，名牌喺主場輸完之後又可以作客贏番，倒不如分享下大家較為陌生嘅中北美洲冠軍盃。
墨超大軍壟斷中冠盃

其實足智彩已經唔係第一年為中冠盃開盤，而過往嘅菠菜策略亦只係得一條Form，筆者亦不厭其煩再重覆，就係全面秤先墨西哥球隊，熟口熟面嘅美職球隊就唔好睇得太高。睇番過去49屆賽事，墨超球隊就曾經28次封王，美職代表就只得兩次，喺08年改制後嘅近4屆賽事，就有3屆決賽出現墨西哥內訌，好路到唔可以唔跟。

聽朝早上演嘅兩場中北美洲冠軍盃8強首回合，頭場就有墨西哥嘅堤格雷斯主場迎戰美職嘅西雅圖海灣者，其實單睇牌頭，都已經要知係撐2.05倍「讓球主勝」，睇埋近績，堤格雷斯暫列墨超聯賽榜首，開季至今保持不敗，又有前愛斯賓奴射手加西亞費南迪斯壓陣，卡士同狀態都十足，相反西雅圖海灣者只係啱啱開咧，美職揭幕戰仲要主場輸畀蒙特利爾衝擊，狀態肯定未足，首回合作客都幾難打。

（開賽時間：周四早上11:00）
足球重心：堤格雷斯（讓球主勝）、蒙特雷（勝）

馬膽推介：6場（4）綠豆爽

本來一直認定係易位難贏之輩，點知上場初戰谷草1800米，就即刻贏到冇晒對手，除咗本身進步之外，亦極可能係新一代谷草專家，今次又係對番上次埋唔到身嘅「可愛人生」，唔難爭取連捷。