士砵亭淪陷波圖搶掠

猪拉多纳

葡超士砵亭主場對波圖係傳統嘅Big 3大戰，不過時移勢易，今時今日嘅士砵亭正陷於球會史上最低潮，面對波圖根本冇得揮，OOO認為今場1.48倍客Ｗ係Banker，可以視為過關重心，單頭可以捧2.4倍波圖「讓球客勝」。

（周日凌晨3時45分開賽）
伊斯米洛夫倒戈有計

OOO自小已經係士砵亭忠心不二嘅擁躉，士砵亭今季星散，不但無法保持Big 3地位，甚至淪落聯賽榜下游，目前喺十六隊葡超球隊中排第11。現時球隊人腳配搭極差，只靠幾名經驗老將，帶住大批新人同以往只踢B隊嘅球員應戰，近四場聯賽輸三場，狀態衰到貼地。

波圖同賓菲加爭霸鬥得難分難解，現階段一分都不能少，佢哋無論計質態都遠勝主隊，淨係狀態巔峰嘅積臣馬天尼斯同摩天奴兩個，都足以摧毀士砵亭不堪一擊嘅防線，何況歇冬期喺士砵亭轉投波圖嘅俄羅斯國腳中場伊斯米洛夫已克服傷病趕及披甲，佢過去係士砵亭領袖級人物，今晚倒戈對主隊打擊更大，OOO深信客軍有力大勝而回。
OOO推介：

波圖勝×賓菲加勝 ★★★★★

波圖讓球勝 ★★★★

塞圖巴爾讓球勝 ★★★