利物浦大盤值得根進

猪拉多纳

利物浦出晒名係「海鮮」波，佢哋周時應贏唔贏、被睇淡卻發威，所以不如轉玩大細。今輪紅軍作客韋根，要讓到半一梗係辣啦，大佬佢哋6年未喺DW球場贏過喇！蘇亞雷斯咁弗，史杜列治又復出，對手韋根為護級亦開始嚟料，捧大啦！（有線300及200台周日凌晨1時30分直播）

紅軍賽事惡估出晒名，但其實今季佢哋的確有改進，踢波風格好睇咗，進攻亦較以前銳利，但衰就衰在後防周時有甩漏。不過自羅渣士執教後，利物浦士氣長期高昂，成班波落到場都好肯踢，唔會出現以前作客就揸流攤嘅現象。紅軍球味滿瀉，就算贏緊兩、三球都唔會縮，所以本季不乏大手交易嘅賽事。而中堅史卡迪爾啱啱好番，今場會續用加歷查，呢個計時炸彈上場對辛尼特出晒醜，有佢喺度大盤客梗係叫好啦！
韋根發力護級

韋根人腳麻麻，但領隊馬天尼斯好識得留放，上季喺呢個時候就發力，頻頻贏波搶到分；睇番近績佢哋2連勝兼入7球，主場出擊唔赦紅軍，咁嘅格局必捧大盤。