馬體會愛斯賓奴駁火

猪拉多纳

法卡奧 阿祖安要踢身價波

馬德里體育會今晚喺西甲主場對愛斯賓奴，1.7倍入球大最抵捧。隨住馬體會喺歐霸盃出局，相信佢哋嘅高層已諗緊，點可以將射手法卡奧賣到好價，而且前鋒阿祖安盧比斯都話畀利物浦睇中，要散貨梗係要同愛斯賓奴對攻啦！（now632台周一凌晨2:00直播）

講真，法卡奧今季冇特別扭計嗌離隊，都算對馬體會有情有義，不過高層其實完全唔介意高價出售王牌球員，以往費蘭度托利斯同阿古路都係咁樣被賣走，為咗抬高價錢，相信嚟緊馬體會對住任何對手都會大踢進攻足球。
馬體會主場入波有保證

仲有呀，其實除咗法卡奧有價有市，佢拍檔阿祖安盧比斯據聞都畀利物浦睇中，甚至話熱刺都有興趣，咁嘅情況馬體會點似踢悶波？再講，今季馬體會主場得1次冇波入，其餘19場全部有士哥，唔似甘心連續兩次主場食白果。

事實上，現時馬體會甩開第5位嘅華倫西亞13分，即使要爭取下屆歐聯入場券，都有大把失分空間玩進攻足球，更何況對家愛斯賓奴，最近拒絕咗弗到爆嘅中場祖安華度，主動開聲續約嘅要求，即係話又係賣得，咁多球員要顯身價跳槽搵真銀，買大有着數！