廣島三箭柏雷素爾做「大」騷

猪拉多纳

「壽人」「壯人」鬥入波

日本超級盃由上季日職冠軍廣島三箭對天皇盃盟主柏雷素爾，呢場比賽係東瀛足球史上首次實行球證用無線電通話執法，所以勁矚目。賽前柏雷素爾新9號工藤壯人，更加向三箭隊長佐藤壽人挑戰話要鬥入波，入球大好路！

（開賽時間：周六下午12:35）
球證無線電通話助執法

比賽喺東京國立競技場舉行，今屆日超盃球、旁證可以喺比賽期間用無線電通話幫助執法，即係話球員用茅招會更加容易被吹罰，相信會對進攻球員更有利。睇番陣容，三箭有中堅森協良太轉投浦和紅鑽，射手佐藤壽人又話經過特訓得到「長友Body」，增重3公斤後感覺更加弗，失得又入得入球大當然抵捧。

雖然兩隊跟手都要踢亞冠盃分組賽，但柏雷素爾前鋒工藤壯人今季披起代表主力前鋒嘅9號波衫，當堂信心返晒嚟，賽前公開話要同日職神射手佐藤壽人鬥入波，目標係今季入球數字超越對方，加上新加盟嘅前廣州恒大射手基奧可以候命爭位踢，相信三箭同柏雷素爾唔會開季就踢悶波趕客，一於追1.7倍入球大！
日本超級盃賽制

日超盃由去季日職聯賽冠軍與天皇盃盟主爭逐，比賽一場定生死並不設加時，若果雙方於法定時間90分鐘內打和，將立即進行互射12碼定勝負。