水晶宮翻身活捉貓頭鷹

猪拉多纳

喺「恐主症」作祟下，「貓頭鷹」又點飛得起？英冠錫周三主場迎戰水晶宮，錫軍本季主場成績仲曳過作客，近10戰主勝率僅得兩成，遇強更冇把握贏波。水晶宮經調整後大翻身，一個大勇格連梅利足以玩謝「貓頭鷹」，平手盤必捧客軍！

（周六晚11時開賽）

錫周三於前卡迪夫城領隊戴夫鍾斯帶領下，本季表現算係不過不失，近期仲有個小陽春，已經連續5場不敗。但「貓頭鷹」主場並非福地，現時37分入面，竟有19分來自作客，喺自己地頭只攞得18分，近10場波贏得2場咁大把，對強隊如李斯特城、屈福特更唔止輸1粒，認真失禮。今次又於「凶地」出戰，並非吉兆。

自聘荷路維為帥，新星韋費特沙夏搞出轉會風波後，水晶宮一度5戰不勝。但荷帥近期已搞番掂，3勝1和好叻仔，上仗鬥布里斯托城佢哋攻勢水銀瀉地，若稍為好運起碼入4、5球，英冠神射手近4戰入5球，加上老牌前鋒菲臘斯亦起Q，平手盤好抵玩。
英冠推介

布里斯托城　讓球主勝

諾定咸森林　下盤

水晶宮　　　平手盤