彼德堡癲晒搶分大無畏

猪拉多纳

Louis刨波集中研究入球大，今晚英冠就當然要講至愛球隊彼德堡，今晚主場迎戰伯明翰（周六晚11時開賽），1.59倍大盤係過關重心。大家唔好因為佢哋聯賽榜排緊尾二就睇小呢隊波，Louis堅信佢哋一定可以護級成功，皆因佢哋有大無畏精神，無論主場作客，唔理遇強遇弱都照攻，所以除咗自己地區fans之外，仲有唔少海外擁躉，當然包括大盤愛好者Louis在內。

彼德堡今季經歷災難開始，頭7場聯賽輸晒出閘大脫腳，踢近半季經過頭21輪聯賽後只得13分，曾經畀其他球隊遠遠拋離，不過呢支上季英冠3支大盤王之一嘅球隊喺去年底終於搵番贏波感覺，近10場聯賽6勝2和狂搶20分，目前離護級安全線只有4分差距，以佢哋嘅走勢相信仲有排上。彼德堡一直踢緊瘋狂進攻足球，近12場聯賽有11場開出大盤，唯一開細主場對侯城亦踢成1:1，近兩仗先喺主場以2比1擊敗前列球隊李斯特城，上仗仲作客大炒中游嘅米禾爾5比1，氣勢如虹下主場面對實力唔強嘅伯明翰當然照攻。
伯明翰唔會坐以待斃

伯明翰亦有護級壓力，佢哋深知彼德堡特性同狀態，今晚齋守唔係辦法，事實上佢哋強項係反擊，而且作客都唔慣保守，近5場作客賽事全部有入有失，今晚對住尾二球隊幾大都死過，呢場入波又點會少？
Louis推介：

彼德堡大★★★★

卡素爾大★★★★

阿些斯奧大★★★