祖記打「羅」添食

猪拉多纳

炒完些路迪勒唔住

好耐都冇同大家傾過意甲波，今日就轉吓口味講場羅馬主場對祖雲達斯。周中歐聯重開，祖雲達斯作客以三比○輕取蘇格蘭球隊些路迪。鬼Sir睇到祖雲達斯班波真係好弗，特別係戰術運用方面做得好好。今次返到意甲賽場，相信祖雲達斯可以保持勇態再下一城，作客讓平半照捧上盤。

（中央5台周日凌晨3時45分直播）

祖雲達斯能以大比數擊敗些路迪，除咗對手實力稍遜之外，祖雲達斯成功將整個作戰區域收窄，令到些路迪嘅高Q大棍收唔到預期效果。而今場對住羅馬全攻型踢法，祖雲達斯教練干地應會有針對性部署。好多人擔心「斑馬兵團」踢完歐聯會影響到體力，但鬼Sir覺得當晚祖雲達斯係睇住嚟食，球員耗力情況唔算嚴重。而喺數據方面，祖雲達斯喺今季意甲勝出率最高球隊，作客奧林匹高球場都冇有怕。
羅馬失球數字高企

羅馬近期演出都幾令人失望，對住卡利亞里及森多利亞都輸波，而且失球數字都幾高。加上迪羅斯、奧斯華度、費奧倫斯、迪斯度及巴沙列堤都受傷缺陣，殘陣應戰都幾難威脅到對手，有主場之利都信唔過。