賓菲加重視歐霸無懼利華

猪拉多纳

德甲利華古遜主場對葡超賓菲加，以近幾場比賽所見，利華表現未見突出，球員狀態略有不足，就算有主場之利都讓唔起賓菲加，「讓球客勝」開出機會高。

（有線63及203台周五凌晨2時直播）
葡超兵歐霸有保證

利華今年踢過三場聯賽，都未贏過波，較令人失望係上輪聯賽作客慕遜加柏，利華尾段失球被逼和，士氣受挫，今晚轉戰歐霸兼對住葡超班霸賓菲加，利華贏波反彈難度頗大。另一點要留意係利華防線頻頻出現漏洞，近兩場合計失六球，早前主場對多蒙特，後防演出就如紙紮一樣，最終輸2比3。賓菲加火力十足，經常喺葡超大炒對手，今場要撕破利華大門冇太大阻力。

賓菲加射手奧斯卡卡度素將於下輪聯賽坐波監，今場可以搏盡爭取士哥。實在葡超球隊對歐霸盃都好重視，波圖及布拉加就曾於2011年齊齊打入決賽，當屆賓菲加亦殺入四強，只可惜輸畀布拉加。今屆賓菲加降格出戰歐霸盃，鬥志及質素都唔使懷疑，受讓捧得過。