華拉度列「讓客」過肥年

猪拉多纳

近排陷入低潮嘅貝迪斯，今晚喺西甲主場對住陣容不整嘅華拉度列，本來係反彈好時機，但係佢哋條中場線天殘地缺不特止，就連首席射手魯賓卡斯度都話傷埋唔出得，真係有機會都未必把握得到，撐華拉度列1.85倍「讓球客勝」。

（now632台周二凌晨4:30直播）
貝迪斯唔齊腳

貝迪斯有幾沉？連續5場未贏過之餘，入得2球失夠8球，夠沉未！不過通常衰開有條路，今晚除咗中場荷西簡拿斯黃牌夠數坐波監，沙華施維拿又話做疝氣手術缺陣1個月，就連球隊首席射手魯賓卡斯度都拉傷埋要抖3個禮拜，伊基保又幫緊尼日利亞打非國盃未返，普素路同阿歷士馬天尼斯繼續養傷，成個陣容面目全非，點捧得落手﹖

另邊廂嘅華拉度列，雖然中堅馬斯華利安迪上輪畀畢爾包嘅阿度里斯批爆面要抖個幾月，加埋艾拔同域陀佩雷斯呢對中場拍檔養傷，防守力的確係削弱咗，但對住火力大幅減弱嘅貝迪斯又使乜怕喎，況且箭頭查維亞古艾拿同派牌好手奧斯卡干沙里斯繼續落場搵食，「讓客」確係信心之選。

beautiyu

{:2_188:}