新正頭撐硬紅軍

猪拉多纳

西布朗近況曳到震

叫得紅軍，新年梗係大開紅盤啦！今輪英超利物浦主場鬥西布朗，紅軍狀態托弗，主場鑊氣甚勁，已連續3場主場大數對手，入12粒1球不失。老臣子加歷查剛宣布季尾退休，今戰氣氛肯定熱烈，激發「孖S組合」盡騷哥利狂士哥，捧「讓球主勝」！

（有線300及200台周二凌晨4時直播）
已調校出最佳陣容

經過季初磨合後，利物浦「巴塞革命」終有小成。就近仗所見，紅軍小組推進愈來愈好，進攻陣式亦愈踢愈熟；而荷西安歷基、達寧同佐敦軒達臣，終憑出色表現奠定正選位置，加上新將史杜列治對辦，領隊羅渣士似乎已搵到最佳陣容，對利物浦絕對係好事。

拿仁已多次強調，紅軍目前打法恰到弱旅，尤其於晏菲路出戰更具霸氣，近3場聯賽對富咸、新特蘭同諾域治，分別增對手4蛋、3蛋同5蛋，等閒球隊根本頂唔住紅軍如潮攻勢。王牌蘇亞雷斯喺呢3場入4球，「神奇隊長」謝拉特又弗番，今戰又係大勝時候。
客軍近8戰未贏過

西布朗本季聯賽首場賽事，就係於主場大數紅軍3比0，但此一時彼一時，目前球隊狀態回落，而且前鋒奧丹維治早前又鬧轉會笑話，嚴重影響軍心。

有報道話奧丹維治今場或會落場，但相信惡唔出樣。西軍近8戰2和6負，可謂低處未算低，今仗仲有左閘哥蘭波波夫停賽，陣容不整下，就算領隊奇勒做過利物浦副練，今仗都難有抵禦紅軍之法，預計紅軍可以成功復仇，「讓球主勝」值捧！
利記「發憤3人組」好火

利物浦西班牙外援荷西安歷基近排表現Sharp醒，隨即多多嘢講，佢話西布朗前鋒奧丹維治早前搞出轉會笑話，今場實畀紅軍球迷、甚至球員指住佢嚟笑；而佢又話早前遭領隊羅渣士公開批評，令佢依家都好嬲，但承認羅帥呢招「激將法」好使得，令佢、佐敦軒達臣同達寧呢三個季初表現為人詬病嘅球員都知恥近乎勇，近期踢番出火氣。球迷今仗一定要(目及)實「發憤三人組」係咪繼續有功課交。

另外，中堅丹尼爾艾格剛投資40萬鎊（約490萬港元），於丹麥開設渠務公司，希望為祖家增加就業機會。