南錫護級闖「蘭」關

猪拉多纳

今晚法甲有場護級大戰南錫主場鬥蘭斯，南錫歇冬後演出有改善，今場只要贏波便可趕過對手進佔護級有利位置。蘭斯對上九場作客輸八場，勢頹難反彈，1.9倍主W值得支持。

（周日凌晨3時開賽）

南錫歇冬後連盃賽踢咗六場比賽，除作客一比二輸畀圖盧茲之外，其餘五戰三勝兩和贏晒五個盤，當中上周作客一比○擊敗馬賽踢出今季代表作，連贏兩場後雖然仍排聯賽榜尾二，但已追到落後尾三嘅蘭斯兩分，換句話講今場贏波便可超前對手，肯定戰意十足。蘭斯持續態沉，對上一次聯賽贏波已經係去年十月，最慘佢哋唔識作客，對上九場輸足八場，有七場冇波入，表現咁曳實在好難對佢哋有任何期望，今場對南錫嚟講可以講係護級生死戰，主場出擊單W有1.9倍值得捧場。
聖伊天大鬥蒙彼利埃

頭場直播聖伊天主場鬥蒙彼利埃，蒙軍聯賽雖然兩連勝，但兩場都係主場賽事，佢哋今季作客正式比賽只有一場保持不失，遇上狀態當弗嘅聖伊天，入球大係投X首選。

（now 714周日凌晨零時直播）