雄心光輝最後衝刺博「大」

猪拉多纳

今日Louis選擇澳職早場墨爾本雄心主場對珀斯光輝，雙方近況狀態同成績都欠佳，兩軍都有強烈欲望要喺今仗贏波求翻身，今場係對攻格局，推介2倍大盤。

（周六下午2時30分開賽）

澳職只有十隊角逐，前六名球隊可以參加季後賽，但有趣嘅係由第五至十名球隊目前只差4分，目前排第七嘅雄心只領先包尾嘅光輝兩分，現階段每場比賽對雙方都極為重要。雄心近期兩連敗，而且表現奇差，不過佢哋向來作客都咁水皮，今仗返到主場就唔同晒，佢哋喺主場已經三連勝合共轟入七球，克羅地亞箭頭泰迪治喺呢三仗都有波入，今仗難得遇上榜尾對手，已經做足準備要大開殺戒。
包尾光輝講明鬥攻

珀斯光輝上季喺澳職一鳴驚人，但今季完全失去「光輝」，近期已經四連敗，近七仗合共亦只得兩分，但佢哋近幾場都只係僅敗，本身表現唔係曳得咁交關，球隊形勢水深火熱，但明白到只要今場贏波，就可以立即超越對手，而且仲有機會衝擊季後賽資格，教練伊恩費格遜賽前話會踢更進取足球力爭三分，今場入球大分頭不俗，值得一博。
Louis推介：

墨爾本雄心大★★★★

奧咸大★★★★

阿爾納沙大★★★