多蒙特打落水狗

猪拉多纳

漢堡新敗復失金童

Oliver家鄉球隊漢堡啱啱上輪主場聯賽吞咗法蘭克福兩蛋，不過賽後漢堡市傳媒同報章對呢場波評論唔多，皆因輸波嘅創傷遠遠唔及失去咗我哋嘅未來棟樑，最令漢堡球迷失落嘅，係我哋嘅16歲天才球星奧斯杜拿利（Levin Oztunali）決定喺季尾以自由身離隊。

奧斯杜拿利目前効力漢堡U19，亦係德國U17主力成員，能夠擔任中場指揮官同防守中場，技術遠超同儕，早已受到拜仁、多蒙特、利華古遜等所有國內大球會垂青，被視為德國希望之星。
「金頭」施拉外孫季尾投利華

不過漢堡球迷一直視奧斯杜拿利係深愛子弟，皆因佢背景特殊，佢外公就係漢堡同德國英雄名宿「金頭」施拉，佢係施拉女兒法露姬同美迪．奧斯杜拿利所生，美迪係土耳其足球員，司職門將，但亦因為施拉嘅關係，目前喺漢堡擔任青年軍門將教練，可以話全家都係漢堡人，不過奧斯杜拿利早已表明要離開漢堡，因為佢外公嘅足球事業太過顯赫，佢唔想每次踏足球場都承受巨大壓力，經過施拉首肯後，佢啱啱宣布喺今年7月1日轉投利華古遜。

講完奧斯杜拿利講番漢堡，佢哋今晚作客西法倫球場對多蒙特，漢堡本身實力同狀態根本難同主隊相提並論，脆弱防線令佢哋連踢穩守嘅本錢都冇，今仗仲有防守中場巴迪積停賽，門將艾達近兩場表現亦失去季初光芒，遇上有門將維丹費拿同守將蘇保迪雙雙復出、強陣兼弗爆嘅多蒙特，注定抬蛋而回，Oliver推介多蒙特「讓球主勝」。

（有線61台周六晚10時30分直播）
Oliver 推介：

多蒙特讓球勝★★★★

法蘭克福勝★★★★

拜仁慕尼黑讓球勝★★★★