切爾達平手盤搵華倫開年

猪拉多纳

今日係年廿九，龍年最後一次推介揀場西甲賽事畀大家參考，切爾達主場對華倫西亞，切爾達雖然位列下游，但主場演出非常硬淨，華倫有歐聯後顧難去盡，莊家開緊平手盤，可捧主隊！

（now 632周日凌晨１時直播）

今周揀波有個重點要注意，嚟緊周中有歐聯賽事舉行，呢個賽事獎金豐厚，各國名牌球隊都視為季內重要目標，預期唔少球隊會喺聯賽留力。華倫西亞近況持續有起色，但今場對住下游分子仲有平手盤玩，邊有咁筍吖？切爾達主場威力強勁，連皇馬嚟到都要輸，今場唔怕華倫，平手盤可稍秤先。
馬略卡主場搵到食

同日另一場西甲由馬略卡主場對奧沙辛拿，兩隊都要護級，呢場係正宗嘅六分波，馬略卡再唔爭氣下季會喺西乙見，呢班波只係靠主場搵食，雖然近期連場輸波，但今次都要讓平半，反映莊家仍然較為睇高佢哋。論級數兩隊真係咁高咁大，馬略卡佔地利可秤先。

（now 632周六晚11時直播）
肥叔心水

紐卡素下盤、大

漢堡下盤

法蘭克福上盤

史篤城上盤

新特蘭下盤

馬略卡上盤

切爾達平手盤