墨西哥「-1」實食冇黐牙

猪拉多纳

世界盃外圍賽中北美區賽事，現時已經去第四圈階段，其中周四早上墨西哥將於主場對牙買加。好多球迷都知道中北美洲球隊實力參差，好似出線熱門墨西哥，同區對手除美國及哥斯達黎加之外，其他球隊都好難威脅到佢哋，預料墨西哥可輕鬆大炒牙買加，「讓球主勝」開出機高。

（周四早上10時30分開賽）

簡單交代第四圈賽制，六支球隊進行主客雙循環對賽，得分最高三隊直入世界盃決賽周，第四名就與大洋洲代表爭取最後一個席位。墨西哥被列作出線熱門都好合理，實在墨西哥陣中有唔少好球員都喺歐洲球會搵食，比如有「小豌豆」之稱嘅查維亞靴南迪斯以及杜斯山度士。而去年倫奧足球賽奪金成員，部分亦已提升上大國腳行列，人腳質素一定好過牙買加多多聲。喺對賽往績方面，墨西哥近五次主場對牙買加都以兩球或以上差距勝出，相信今次都唔會例外。
美國強陣砌洪都拉斯

另一場洪都拉斯主場對美國，美國主帥奇連士文點選強陣應敵，除有熱刺丹普西之外，羅馬中場米高巴特利及阿爾克馬爾艾迪杜里都有入選。今場美國火力十足十，要擊潰洪都拉斯應非難事。查實洪都拉斯大多數高質球員都効力美職，佢哋有幾多料美國球員知道晒，今場客隊佔優，客W可留意。

（周四清晨5時開賽）
世界盃外圍賽中北美洲區隊伍

墨西哥、哥斯達黎加、美國、巴拿馬、洪都拉斯、牙買加