班士利順風順水得「米」

猪拉多纳

今晚有兩場英冠聯賽，兩場都咁好路，其中班士利主場鬥米禾爾，平手盤捧主隊！班士利自落實大衞費歷哥夫為新帥後，表現脫胎換骨；米軍近四場作客都未贏過，阿King認為今仗捧班士利坐和望贏！

（周三凌晨３時45分開賽）
布城屈福特鬥大

班士利換帥後近四戰三勝一和，上場於足總盃作客淘汰侯城，球隊狀態明顯升緊，起碼短期內畀到球迷信心。前鋒達路爾近三戰入三球，呢次主場出擊唔赦對手。米軍剛於足總盃淘汰阿士東維拉，睇到班波亦有狀態，不過該仗搏得好盡，話咁快要踢快車賽程，仲要係作客賽事，米軍或者頂唔順。以球隊不擅作客特性，今場開平手盤必捧主隊；另外「讓球主客和」米禾爾要讓波，班士利「讓球主勝」雖得1.48倍，但勝在夠穩陣。

另一場英冠布里斯托城主場對屈福特，布城又係剛換帥，上仗反勝打開勝利之門，即時信心爆棚，屈軍係英冠入球王，今戰捧大。蘇超馬瑟韋爾主場迎戰登地聯，對賽往績旺作客一方，捧「讓球客勝」。