大象歎住魚生粥「突圍」

猪拉多纳

「第一醜男」謝雲奴發威

「霉兵」打救「大象軍團」！科特迪瓦今晚會於非國盃D組第2輪賽事出戰突尼西亞，兩軍喺首輪都旗開得勝，突尼西亞係唔嘢小，但小妹就力撐有「隊友眼中第一醜男」謝雲奴大翻身嘅「大象軍團」夠力小勝，捧3.2倍「讓和」啦！

（now676台周六晚11:00直播）
杜奧巴年紀老邁隱晒形

講起科特迪瓦，相信大家都會諗起Icon杜奧巴，可惜呢位前鋒可能年事已高，上仗仲踢到隱晒形，反而被國家隊隊友「推舉」為「隊中最醜」嘅謝雲奴搶晒鏡，雖然喺阿仙奴經常被嫌棄搞到愈踢愈沉，但佢喺國家隊就經常有班老大哥錫住，自信心即刻返晒嚟。科特迪瓦上場就係憑住佢交出1次助攻、再射入致勝球以2:1險勝多哥，令呢隻兵工廠醜小鴨一夜間飛上枝頭！有謝雲奴拍住矢言奪冠、連續4場非國盃賽事有波入嘅耶耶托尼，當然值得投以信心一票。
突尼西亞硬淨唔會輸得多

無疑科特迪瓦係非洲排名最高嘅球隊，近4屆亦只得1次未能打入4強，但係突尼西亞亦不容小覷，畢竟佢哋近5屆得1次喺分組賽出局，04年更勇奪冠軍，就算家陣陣中冇咩大球星，不過佢哋上場對住阿爾及利亞全場受壓，仍然可以把握僅有反擊機會贏波，證明防線夠硬淨，唔會咁易投降o架，就博佢哋小輸一球啦！

非國盃D組