燕豪芬遇弱客W趁熱食

猪拉多纳

荷甲上周歇冬後重開即爆出大冷門，燕豪芬主場對中下游分子施禾利輸波兼失榜首，不過今周作客對住私房菜荷華高斯，阿King深信佢哋可以極速反彈，客W有1.5倍非常抵玩。

（now 639周日凌晨3時45分直播）
近10次對荷華高斯贏9場

如果換轉以前，燕豪芬作客荷華高斯單W一定冇1.5倍咁好分，但隨住上周燕豪芬輸波，今場客W明顯有退熱迹象，令值博率更高。當然阿King唔係單睇好賠率就叫大家落注，荷華高斯對上十次面對燕豪芬輸咗九次，而且有八次輸波都係淨輸兩球或以上，燕豪芬啱啱全失三分，有咩好過喺呢個時刻遇上呢支私房菜？燕豪芬今季九場作客入二十七球，係作客入波最多嘅球隊，如果想要更好分頭可小敲「讓球客勝」。

另外兩關都係荷甲聯賽，施禾利上場爆冷擊敗燕豪芬士氣大振，今次返回主場迎戰每況愈下嘅海倫芬，小讓平手、半球可捧上盤。最後一場海牙主場鬥洛達，洛達近年作客海牙經常上演入球騷，好似上季兩軍便曾踢成三比三平手，歇冬前洛達五場作客聯賽一共失咗十九球，今場預計亦係一場入波偏多嘅比賽，中位數維持2.5球，必揀入球大。