加納讓波撐馬里

猪拉多纳

A貨勁旅惡唔出樣

今晚非洲國家盃上演B組第二輪賽事，頭場加納對馬里，曾四奪冠軍嘅加納陷入青黃不接困境，多位骨幹主力淡出後，實力已大不如前，上仗連世界排名過百位嘅剛果民主共和國都贏唔到，今場面對實力更強嘅馬里，恐怕形勢更危。加納要讓平半，好大程度受過往佳績高估，此一時彼一時，Mic少寧揀受讓平半嘅馬里下盤。（now 676周四晚11時直播）

加納過去三屆非國盃起碼都入到四強，但隨着艾辛、奇雲保定、蒙達利、文沙等主將陸續退出國際舞台，佢哋人腳質素每況愈下，今屆連馬賽前鋒佐敦阿休都冇份入選，搞到靠基恩同卡華禾艾沙姆擔大旗，但前者已淪落到去阿聯酋搵食，後者喺祖雲達斯亦非正選，試問表現又點會好。上仗加納對住剛果民主共和國終於被拆穿「偽名牌」面具，遭逼和2比2，今仗更加唔敢睇好。

加納首仗失分，理論上今仗必然搏命求勝，加上有「名牌效應」令佢哋要讓波，但以呢班波目前情況，能否「理所當然」絕地反擊成功，實在令人懷疑。

馬里陣中大部分球員喺法國搵食，整體質素平均，上屆亦擊敗加納獲得季軍，論級數不在對手之下。形勢上馬里上仗擊敗尼日爾有三分在手，今仗唔會太冒進，更加適合佢哋穩守突擊踢法，唔易被擊敗。馬里受讓平半，絕對抵玩。
剛果熱W「尼」料

同組剛果民主共和國首仗一鳴驚人打和加納，的確唔嘢小，今仗對世界排名較高嘅尼日爾，剛果贏波賠率熱至1.67倍，明顯受莊家唱好，值得跟進。（now 676周五凌晨2時直播）