貝迪斯吔包唔怕滯

猪拉多纳

今晚賽事雖冇咁熱鬧，但仍有西甲獨腳戲貝迪斯主場出戰畢爾包，貝軍一改神經刀風格，今季於聯賽穩步上揚，依家位居前四，大有機會爭取下屆歐聯參賽資格，其中於畢爾包出身的核心比納特，今次倒戈誓要向舊主騷哥利，況且「巴斯克雄獅」已變成病貓，貝迪斯仲唔趁機踩多兩腳咩？小讓平半信得過。

（周二凌晨4時30分開賽）

其實自上季開始，比納特已經嶄露頭角，之後仲多次被迪保斯基選入西班牙國家隊，其於中場派牌、控制節奏及後上入楔，係貝迪斯連繫中前場的重要樞紐，其實佢於畢爾包青年軍出身，可惜不受器重惟有走人，卻於「綠白軍」闖出一片天，今仗倒戈一定施展渾身解數，而其前線拍檔魯賓卡斯度、祖爾甘保都好弗，遇上內訌不斷、連輸三場的病貓畢爾包，為爭歐聯席位必盡砌，小讓平半兼低水擺明有計，一於揀上盤。