加納順「細」搶頭胡

猪拉多纳

剛果內訌影響軍心

在南非舉行的非洲國家盃今晚上演兩場Ｂ組分組賽，被視為爭標熱門之一嘅加納頭場遇上賽前爆內亂嘅剛果民主共和國，主Ｗ及細盤皆可取。（now 676周日晚11時直播）尾場馬里鬥上屆分組賽三戰全敗嘅尼日爾取勝機會亦高，主Ｗ都好穩陣。

（now 676周一凌晨２時直播）

論實力，剛果民主共和國早已比不上加納，最慘賽前仲爆出內訌醜聞，有報道指球員因為同足總傾唔掂獎金分配問題，日前突然罷操，領隊利萊仲因此而辭職，雖然利萊已經證實同足總傾掂數，自己和球員會如常出戰，但軍心及鬥志方面肯定受影響。

加納係近年非國盃分組賽表現最穩定嘅球隊之一，過去三屆踢咗八場分組賽，共取得六勝一和一負，兩次取得小組首名出線，今次有力延續其強勢。另外，加納喺呢八場分組賽有六場開細，比率超過七成，1.6倍細盤亦好路。
馬里穩勝尼日爾

另一場馬里對尼日爾，尼日爾上屆分組賽三戰全敗包尾出局，擺明係陪跑分子，世界排名25嘅馬里有聖日耳門中場施素高回歸、配合前巴塞中場施度基達及韋斯咸前鋒邁加，表現隨時為球迷帶來驚喜，今場捧主Ｗ。