史篤城爆水晶掃邪氣

猪拉多纳

今晚上演多場英格蘭足總盃第三圈重賽，阿King重點推介史篤城主場對水晶宮，以主勝作為過關重心。史篤城上仗因為約拿斯禾達斯「撞邪式」兩次擺烏龍，兼射失十二碼，搞到大敗畀車路士，純屬罕見意外。事實上，史篤城主場威力相當強大，經過一場冤枉敗仗後，更加激發球員鬥心，全隊力撐約拿斯禾達斯，誓要踢走水晶宮。（周三凌晨3時45分開賽）

史篤城上仗畀車仔打破今季英超主場不敗之身，真係相當唔抵，試問點估到首席射手約拿斯禾達斯會兩次擺烏龍咁離奇。事後球隊上下都表示支持約拿斯禾達斯，要幫佢入波重拾信心。預料史篤城今仗將採取主攻，為約拿斯禾達斯創造入波機會。
韋根唔吼足總盃

英冠水晶宮以爭升班為首要目標，盃賽只屬次要，而且近期狀態麻麻，近六場作客都未贏過，加上新星韋費特沙夏好可能離隊，亦打擊士氣。

另一支英超球隊新特蘭主場對英冠保頓，新特蘭上次交手落後兩球下逼和保頓2比2，帶有幸運成分，球隊防線多甩漏，主W信唔過，寧要入球大。而韋根作客甲組般尼茅夫，客W竟有2.25倍，擺明睇淡韋根，事實上佢哋一向唔吼盃賽，博「讓球主勝」。