藍戰士難破史篤城

猪拉多纳

問題多多飄忽到嘔

由於早前連場硬仗，就算一隊波幾咁穩定，到家陣都會無啦啦走樣，例如一度係英超失球最少嘅史篤城，居然連續兩場聯賽失3球，但相信休息一周後，史篤城應可回復硬淨本色，今晚主場迎戰表現飄忽嘅車路士，1.85倍「讓球主勝」屬正路之選。

（有線200及300、廣東體育周六晚11:00直播）
史篤城近2次主場對賽不敗

史篤城畢竟人腳有限，喺快車檔期只係作客輸過畀曼城，話晒佢哋開季至今11次主場未輸過，上兩季主場迎戰車路士亦保持不敗，今仗受讓仍然值得信賴。

對家車路士近期極為飄忽，可以輸畀QPR，又可以一場入8球，領隊賓尼迪斯除咗要改善穩定性外，亦面臨大量難題，首先係丹巴巴亞同費托二揀一，其次係博聯賽盃平反敗局定係專注聯賽，仲有好唔好畀傷愈冇耐嘅泰利打正選，就算係費Sir都未必諗得掂，更何況只係不得民心嘅賓帥。
足球重心：史篤城（讓球主勝）、雷丁（平手）

馬膽推介：1場(1)童夢

季初積極減分後，一落5班即刻加強準備，誠意十足，以上場4班跑1400米得第5嘅表現，落班跑泥地1200米絕對夠殺有餘。