QPR回勇 唔怕熱刺

猪拉多纳

夏利叔復仇戰

薑始終都係老嘅辣！熱刺近年重返英超頂級球隊行列，前領隊夏利列納居功至偉，可惜呢位有料主帥季前被熱刺無情踢走，今晚夏利叔帶領昆士柏流浪迎戰舊東家，肯定諗盡計仔報仇，加上QPR狀態有起色，要搶分冇難度，撐1.95倍「讓球主勝」！

（有線200及300、廣東體育周六晚8:45直播）
上仗拆「車」士氣爆燈

QPR由開季到依家一路都「穩守」榜尾，不過自從搵咗夏利列納返嚟之後，班波近期嘅表現已經大有起色，上輪英超作客爆冷擊敗車路士，更加係佢哋今季嘅代表作，班球員家陣士氣High到爆，信心返晒嚟，以呢隊「貴價護級分子」嘅質素，只要狀態操番起，下半季要拎好成績絕對唔係難事。
超級老狐狸熟晒熱刺路

最重要一點，就係夏利列納堅有料到，佢最妙嗰着就係將QPR陣式改為4-3-3全場緊迫，雖然格尼路同凱列特仲抖緊，不過夏利叔手上仲有唔少高質球員，而且熱刺主將迪科爾同加里夫巴利等球星都係由佢一手提拔出嚟，呢班友仔嘅優點缺點，夏利叔肯定一清二楚，賽前呢隻「老狐狸」仲出口術辣慶保亞斯，雙方家陣都仲喺度公開罵戰緊，夏利叔呢招嘅用意係乜冇人知，小弟估計，好可能係等保亞斯沉唔住氣喪攻，QPR自己就等熱刺犯錯偷雞入波！

雖然熱刺喺英超連贏3場，不過後備兵源真係唔多夠，迪科爾唯一後備艾迪巴約踢埋今場又要暫時離隊，轉戰非洲國家盃賽場，小弟擔心呢班熱刺球星咁操勞，踢到季中真係隨時跌Watt，今晚作客昆士柏流浪想全取三分，睇怕都唔係咁易。
頂占筍盤：

昆士柏流浪（讓球主勝）