奧沙辛拿半場頂得住

猪拉多纳

C朗停賽 皇馬難啃豬頭骨

皇馬冇咗C朗大鑊！歇冬後全面回勇嘅皇家馬德里，今晚作客對包尾大幡奧沙辛拿，後者防守固若金湯，尤其係比賽初段非常集中，已經連開六口半場和，咁蹺皇馬有王牌射手C朗停賽，攻力受削，兼且傷兵滿營，遇上豬頭骨奧沙辛拿唔易啃，不妨捧有2.4倍嘅半場和。

(now 632周日凌晨3時直播）
奧沙近6仗半場全和

奧沙之所以淪落到排榜尾，最大問題係攻力疲弱，今季聯賽入得14粒，與CF格蘭納達並列入波最少球隊。但話分兩頭，奧沙仍保持住優良防守傳統，至今只係失咗20球，同皇馬一樣排聯賽前五，可惜久守必失致難以搶分，睇番紀錄，奧沙喺比賽初段特別集中，近6仗全開半場和，非常好路。

皇馬歇冬後表現有番起色，兩仗狂轟8球，當中C朗包辦5粒，證明「銀河艦隊」仍好倚賴佢，不過呢位葡萄牙射手累積夠黃牌今仗停賽，火力大打折扣，面對防守硬淨嘅奧沙，單靠賓施馬、奧斯爾、莫迪歷過於迂迴嘅進攻，好難破到密集，初段未必咬得入對手，而且沙治奧拉莫斯、比比、法比奧干查奧等亦缺陣，作客會踢得更為小心，因此半場和值得追多鋪。