聖日耳門「大」起阿些斯奧

猪拉多纳

防線未回魂 入得又失得

法甲歇冬後正式重開，榜首巴黎聖日耳門主場迎戰阿些斯奧勝算高，不過聖日耳門上周法足盃面對非聯賽球隊竟然一場失三球，後防球員似乎未回魂，主W太熱冇肉食，讓球主客和讓二球又嫌多，建議改玩入球大。

（周六凌晨4時開賽）

聖日耳門陣中星光熠熠，又係目前聯賽榜首球隊，加埋今仗有主場之利，主W熱至1.08倍絕對有道理，不過睇番佢哋近兩場比賽表現，後防球員似乎唔夠集中，除上周法足盃對非聯賽球隊阿拉斯三度失守，早前熱身賽面對實力平平嘅卡塔爾球隊歷基韋亞亦有失波，防線談不上穩健，讓球主客和主隊讓二球，捧「讓球主勝」有一定風險，所以想要較好分頭嘅讀者可考慮捧入球大。就算阿些斯奧未能在聖日耳門身上取得入球，以客軍對上九場作客聯賽場場有失波、兼係上半季作客失球數字最多嘅球隊之一嚟計，今場大敗亦唔奇，故此捧1.42倍大盤最穩陣。
聖伊天「細」不可當

另一場聖伊天主場對圖盧茲，兩軍上周均在法足盃贏波晉級，圖盧茲歇冬前作客聯賽四連敗，比數唔係輸「0:1」就係「0:2」，全部開細盤，聖伊天主場表現亦唔算標青，歇冬前三場主場都冇入波，總計聖伊天近九場主場賽事一共有八場開細，今場不妨再追細盤。