馬體會勒住踢益晒基達菲

猪拉多纳

今日西班牙盃做主打，除巴塞外，基達菲都要（目及）實。今輪16強次回合賽事，基達菲主場鬥馬德里體育會，首回合馬軍領先3粒，今仗輸番2粒都晉級，hea踢合情合理，基達菲唔係紙紮，主場點都要攞番個彩，受讓值捧！

（周五凌晨2時30分開賽）

基達菲主場甚具威力，近4次喺自己地頭出擊未輸過，而且馬德里體育會近3次造訪基軍，一次都贏唔到，認真失威。另外，馬體會近7次作客贏得1次，加上首回合馬體會已有3球在手，今戰形勢只要唔輸都可以晉級，要讓波唔抵玩，揀基達菲「+1」好過。
貝迪斯盡數拉斯彭馬斯

至於另一場西盃賽事貝迪斯主場對拉斯彭馬斯，貝軍有心有力，拉斯彭馬斯只屬乙組中游分子，首回合各一打和，作客情況下更難作惡，直取貝軍「讓球主勝」。最後英錦標8強，主隊高雲地利大勇，反觀對手普雷斯頓攻力疲弱，主W穩陣。