打吡攞威賀維帥復出 巴塞勢炒愛斯賓奴

猪拉多纳

今晚魯營球場爆發加泰羅尼亞打吡，由超班嘅巴塞隆拿迎戰愛斯賓奴！巴塞主帥維蘭路華復出領軍，眾將肯定想大勝一場賀一賀佢，今場波足智彩巴塞「-2」，「張峰」捧1.57倍「讓球主勝」！（now632台周一凌晨2:00直播）
美斯放假叉足電狀態更弗

巴塞青訓做得超好，尤其係當日哥迪奧拿接手後，巴塞成功打造一個完美無瑕嘅戰術體系，邊件打柴邊個走人都好，接上嚟嘅後備或者B隊o靚仔，一樣有板有眼，「張峰」甚至覺得，即使沙維、恩尼斯達逐漸淡出，法比加斯、堤亞高艾簡達拿都肯定接到班，呢個正正係巴塞最恐怖嘅地方！

早排巴塞教練維蘭路華癌病復發，好彩吉人有天相，維帥接受治療後已接近病愈，今晚肯定可以復出領軍，以巴塞一貫團結精神，當然想大勝等維帥開心吓啦！舊年喪轟91球破紀錄嘅美斯，今年可唔可以再創新高言之尚早，不過「張峰」都係球員，放完大假，以美斯唔蒲嘅乖乖性格，肯定叉足電，狀態分分鐘仲好過開季！
愛斯賓奴上季對賽吞4蛋

對家愛斯賓奴近4戰不敗，執咗6分，早輪仲作客逼和皇馬添，不過內部立立亂嘅皇馬，又點同團結超班嘅巴塞比呢？咪忘記愛斯賓奴今季作客只得1勝，上季巴塞係咁意都喺主場贏「賓佬」4粒，今季嘅巴塞，隨時想入幾多有幾多啦！
巴塞主場例開大

‧雙方近10次對壘，巴塞取得6勝3和1負成績。

‧巴塞今季西甲主場7勝1和，中位數當3.5球，共開6大2細。

‧愛斯賓奴今季8次作客，總共開出6次半場和。

張峰來料：巴塞（讓球主勝）