拿玻里散散哋 捧對家羅馬

猪拉多纳

西甲同意甲歇冬後重開，經過一段休戰期，度波時一定要更加謹慎，唔可以單靠實力分析就落注，皆因列強球星抖完一輪後狀態未明，呢個時候要特別小心名牌球隊演出走樣，若果有耐性嘅朋友不妨觀察吓先，等唔到就小注怡情算數，千祈唔好立亂搏殺。

今次揀咗場意甲拿玻里主場對羅馬作重點出擊，呢兩班波屬同級球隊，論級數拿玻里略高少少，但呢隊波涉及打假波被扣分，士氣大受打擊，歇冬前連場輸波，有啲散散哋，現時隊內多個重心球員都被歐洲大會睇中，當中以烏拉圭中鋒卡雲尼最搶手，唔排除即將跳船，今場讓唔起對手啦，呢場捧羅馬！ （周一凌晨3時45分開賽）
巴塞讓得辣 玩大好過

西甲愈來愈悶，巴塞隆拿今季一枝獨秀，但係呢班波長期讓得多，絕非長捧對象，今次喺打吡戰鬥愛斯賓奴讓到2.5/3球，部分莊家直頭開到讓3球，真係誇張到不得了，大佬，你估真係贏梗嘅咩？對待呢類盤口，肥叔都係用番一貫策略，要晒下盤同大盤，順起上嚟隨時可以雙殺。