飛腳柏雷素爾做「大」騷

猪拉多纳

天皇盃冠軍可以得到亞冠盃參賽資格，大阪飛腳今日喺東京國立競技場決戰柏雷素爾，肯定打甩髀，而且兩隊分別有王牌攻擊球員復出，「李安度對李安度」唔憂冇波入，兼且天皇盃決賽連續3屆開入球大，再追大有着數！

（有線148及now711台周二下午1:00直播）

飛腳宣布降班後，反而踢得更醒神，據講願意留隊嘅中場大腦遠藤保仁，更加「3戰連發」連續3場天皇盃入波。淪落到要降班嘅飛腳，其實係今季日職火力最強球隊，聯賽34戰入67球，當中射手李安度蒙迪拉坐完1場波監後，叉足電可以喺今場復出搏殺，加上教練松波正信不獲留用，帶埋呢場就會離隊，當然希望攞冠軍告別。

對手柏雷素爾近6場有5勝1負，狀態唔成問題，而且中場李安度杜明基斯、茨田陽生同後衞橋本和坐完波監可以候命，兩隊硬碰硬有望再開大。
天皇盃賽制：

今輪為決賽，以一場過分勝負，若法定時間內打成平手，需加時作賽，再和就互射12碼決勝。