雷丁鐵桶陣細頂熱刺

猪拉多纳

英超來到「聖誕新年快車」最後一站，各路大軍已經搏殘；熱刺主場撼雷丁有加里夫巴利停賽缺陣，面對死守對手難大炒。雷丁攻力曳到唔恨，作客環境必守到尾，今戰捧細！

（有線304及204台周二晚11時直播）

熱刺中前場人才濟濟，但毫無疑問「巴利仔」係當中重心，如果佢缺陣，球隊攻力起碼打七折。早前佢受傷未能出場，先不敵愛華頓，之後鬥史雲斯只僅勝一粒。今戰佢因攞夠黃牌而坐波監，對熱刺影響好大。

雷丁攻力極曳，十場作客聯賽入得七粒，要搶分靠死守。球隊近三場失得一粒，呢次擺鐵桶陣將令熱刺吃盡苦頭，捧細盤。