韋根難抗紅魔復仇

猪拉多纳

2012年對香港人而言，似乎不太愉快。樓價過熱、中港衝突、沉船慘劇等等回憶充斥在腦海，2013年我們要怎樣走過逆境？香港人都係自求多福吧！而作為紅魔迷，上季亦不好過，曾經領先曼城8分，及後竟被曼城後來居上最終失落聯賽冠軍。如今曼聯拋離曼城7分距離，文仙尼居然仲話7分並非不可趕過的距離，分明係玩心理戰。

上季曼聯被反先，我覺得不能怨天尤人，只怪紅魔鬼自己喺應該全取3分嘅場次失手，其中一場就係上季作客韋根輸波。吸收咗上季教訓，今晚作客韋根應該好難再爆冷，就買「讓球客勝」當新年禮物！

（有線300及200台周二晚11時直播）

韋根上季主場勝曼聯一役大家印象深刻，但其實嗰場之前，自韋根05年升上英超後6次主場對曼聯全敗，今季首循環作客奧脫福亦大敗0:4。韋根6場不勝後，上 仗作客維拉大勝3:0，第二球保斯及干尼展示着不俗嘅地面組織，第三球亦見干尼個人把握力，但始終對手維拉傷兵滿營，只能以牛奶仔應戰，所以未能代表韋根已反彈。
曼聯兵力強盛炒得起

費Sir喺快車期間輪流讓球員休息，上仗對西布朗先將尹佩斯列後備，亦讓兩老抖一抖，但整體演出亦不錯，路爾斯華倫西亞搭基斯史摩寧喺右路，同埋艾舒利楊格跟艾拉嘅左路攻勢都甚有威脅，「聰明仔」湯卡華利技術愈趨成熟，仲有香川真司已復出，一定能為韋根後防造成威脅。費Sir更透露菲爾鍾斯及拉菲爾達施華都有望於今晚復出，兵力十分強盛，即使朗尼繼續受傷也不減球隊活力，至於正選陣容賽前好難估，大家可以等埋即場陣容再下注都未遲。
Wendy推介：曼聯 讓球客勝