曼城當黑炒唔起諾域治

猪拉多纳

踢波除咗講實力之外，仲要睇天時地利人和。成季流流長冇話段段都咁順，有時個勢曳，真係頭頭碰着黑。近期曼城走勢放緩，上場仲被球證吹死輸波，擺明人衰行路打倒褪。今輪作客硬嘢諾域治，捧細盤。（有線301及201台周六晚11時直播）
預期入波唔會多

老實講，曼城本季發揮平平無奇，歐聯羞家出局，而聯賽亦已被曼聯甩開7分。其實依家只過半季，「藍月亮」仲有大把時間追，但以大軍目前走勢，似乎一時三刻都難以大反彈。事實上，曼城球員場場都好落力，阿古路、泰維斯同大衞施華無間喪跑，但對雷丁就僅贏1粒，上場仲要輸埋畀新特蘭。曼城作客戰鬥力一般，客W得1.4倍唔抵買。

諾域治雖然連輸2場，但落到場依然硬淨，之前對曼聯、車路士都開細，相信今場曼城就算控制戰局，但要大炒好難，故細盤要（目及）到實。