維拉吞夠蛋主場反彈

猪拉多纳

本季英超有兩支「細路仔波」，一隊係利物浦，另一隊係阿士東維拉。以年輕球員為重心，當然唔夠經驗；但勝在好氣好力、聽教聽話，容易撥亂反正。雖然近兩仗均大敗，維拉今輪又試主場出擊，鬥作客曳到震嘅韋根，有力贏波反彈！

（有線305台周六晚11時直播）
韋根作客衰到震

維拉近期表現的確係曳，先畀車仔撞到支離破碎，輸夠8球；之後對熱刺亦畀加里夫巴利玩謝，吞4隻光蛋。好多人擔心維拉會一蹶不振，但細鬼反而對佢哋幾有信心。其實喺2場大敗之前，大軍保持6場不敗，清脆擊敗利物浦一場，賓迪基同安祖斯韋文簡直踢到曉飛。呢班波有活力質素唔差，今場遇弱好大機會否極泰來。

韋根近6戰輸咗5場，而且聯賽作客敗率近8成，呢次去到維拉公園球場未必捱得住，主隊小讓平半要得過。