阿聯降溫勢反彈

猪拉多纳

今晚欣賞英超之前，記得仲有澳職阿德萊德聯主場對布里斯班獅吼，聯賽二哥「阿聯」上仗意外慘敗1比6畀西悉尼流浪者，今仗即時退晒熱，莊家只係開平手盤，正係出擊好時機。阿德萊德聯整體實力秤贏今季大跌Watt嘅獅吼，加上球隊急於求勝重振雄風，戰意必高昂，平手盤主隊抵玩。

（有線64及204台周三下午4時30分直播）
獅吼作客未贏過

「阿聯」上仗輸波好大程度上因為輕敵，畢竟之前太過順風順水，球員難免有所鬆懈。不過經歷呢場慘敗後，對佢哋猶如當頭棒喝，應會清醒番。尤其係今日係「拆禮物日」，阿德萊德聯喺自己擁躉面前，更加唔可以再衰。佢哋今季聯賽主場六戰五勝一和，今日信得過。

獅吼今季大跌Watt，演出長期低迷，更加係唯一作客未贏過嘅球隊，未踢已先輸信心。而且獅吼三位前鋒貝利沙、渡東炫及尼高斯都有傷在身，令原本已疲弱嘅攻力雪上加霜，今仗難有運行。