曼城跌Ｗatt博「細」

猪拉多纳

曼城作客新特蘭，曼城於聯賽取得兩連勝，走勢當然唔算差，但上輪英超對住弱旅雷丁都贏得好辛苦，似乎幾位進攻球員如阿古路及泰維斯狀態都有所回落，情況對於球隊爭取入球會造成影響，唔排除曼城可贏波攞三分，惟全場總入球數字唔慌多，細盤可留意。

（有線304及204台周三晚11時直播）
新特蘭迎曼城旺細

曼城剛賽對雷丁受制於鐵桶戰術，攻到補時階段先至由巴利奠定勝局，話唔定新特蘭今次會照辦煮碗，全隊縮後打穩守突擊。而就算曼城可以早早開紀錄，亦未必會繼續推前搶攻爭取更多入球，要考慮聖誕快車賽程頻密，曼城球員都要保留體力應付餘下比賽。另外，新特蘭近三次主場對曼城都係開出細盤，其中兩場曼城都未能交出入球，賽績同樣對細盤有支持。