烏德勒支主場有靚積撐

猪拉多纳

今晚賽事唔多，阿King對荷甲烏德勒支主場對阿積士最感興趣，阿積士雖係荷蘭班霸，但近六次對住烏德勒支贏得一場咁大把，況且上周中踢多場荷蘭盃，疲兵再戰難言穩勝，烏軍主場有得受讓超筍，「讓球主勝」必捧。

（now 639周日晚7時30分直播）

阿積士今季表現唔錯，尤其於歐聯贏過億萬大軍曼城，但在三線作戰下，難免會出現疲態，上周中荷盃作客格羅寧根，主帥法蘭迪保亞仍要起用主力施安迪莊同基斯甸艾歷臣，可見其板櫈深度認真唔夠。
阿積士疲兵讓唔起

烏德勒支位列上游，同佢哋主場成績硬淨不無關係，今季於自己地頭嘅八場聯賽，只係輸過畀勁旅飛燕諾同維迪斯，加上該隊近六次對阿積士只係輸過一次，上年於主場更雙殺對手6比4及3比0，擺明食住阿軍，因此「讓球主勝」值得優先捧場。

另一支荷甲隊芬洛近期主場有起色，之前終止維迪斯作客連勝走勢，絕對唔嘢小，日本球員大津祐樹亦漸入佳境，面對作客失波當食生菜嘅洛達，呢場入波唔會少，捧大。最後法乙榜首南特氣勢如虹，作客對包尾嘅色當只係開平手盤，梗係撐坐和望贏嘅南特喇。