大阪打吡 強撐櫻花

猪拉多纳

天皇盃八強戰仲有場大阪打吡，大阪櫻花主場鬥同市球隊大阪飛腳，飛腳離奇成為奪冠大熱，但班波咁叻就唔使降班啦！雖然櫻花冇晒外援戰鬥力受削，但飛腳作客讓波實在太過分，呢場博「讓球主勝」！

（周日中午12時開賽）
飛腳冇霸氣讓唔起

名氣球隊大阪飛腳今季衰到貼地，最終降班收場，佢哋擁有李安度蒙迪拉、遠藤保仁及今野泰幸等大牌球星，所以長期扯飛，現時又被捧為天皇盃冠軍大熱。不過，飛腳上圈對日乙弱旅町田澤維亞都陷入苦戰，陣上兩度落後，最終險勝對手，踢來毫無霸氣，何來本錢讓波？

大阪櫻花所有外援已經提前放假走人，當中以巴西球星森比斯奧離隊影響較大，不過隊中土炮仍然有料到，17歲小將南野拓實上圈鬥清水心跳擔正攻堅取得士哥，協助球隊4比0大炒對手，足見佢哋仍然擁有強勁戰鬥力。櫻花近三次主場鬥飛腳不敗，賽績硬淨，受讓有計！