拿玻里強爆錫耶納追數

猪拉多纳

英格蘭賽事喺聖誕新年連場激戰，相反意、西兩大聯賽就趕住收工，平時喺周日上演嘅意甲周日戰線，就全線提早喺今晚上演，算係填補咗已經歇冬嘅德甲檔期。

喺剛過去周中有多場意大利盃16強直播，多支喺主場出擊嘅種子隊都順利過關，唯獨上屆冠軍拿玻里出事，繼聯賽之後再一次不敵博洛尼亞出局，並連續4場輸波。
錫耶納近3場聯賽失10球

其實拿玻里近期都幾當黑，因為假波案被罰扣2分，守將加華及保羅簡拿華路更被罰禁賽半年，撞啱中場恩拿今場又要坐波監，今晚作客錫耶納本來都幾大鑊，不過主隊其實一樣唔好得幾多，除咗排緊喺榜末之外，中場華加蘇拿、後衞路爾斯尼圖及馬斯莫柏斯都要坐波監，近3場聯賽夾埋仲失咗10球，相信拿玻里射手卡雲尼好大機會搵到食，客W有1.8倍值得捧場。

（開賽時間：周六晚10:00）
足球重心：拿玻里（勝）、愛華頓（上盤）

馬膽推介：8場(13)十二門徒

雖然係韋達棄騎，但上仗出戰直路賽愈衝愈勁，加程至1200米未嘗不可，跑法主動未必差過相對被動嘅大熱門「四季星」。