送暖維帥巴塞數爆華拉

猪拉多纳

今個周末阿King對巴塞隆拿情有獨鍾，因腮腺癌復發而要停工嘅主帥維蘭路華，官方剛剛公布其手術成功，癌細胞並未擴散，雖然至少要休養6周，但維帥不忘開玩笑話會電視睇巴塞作客華拉度列場波，仲會記低邊個踢得唔好，相信美斯等球星會加多兩錢肉緊，用實際行動支持維帥，巴塞目前喺積分榜大幅領先，加上又係2012年最後一戰，當然希望贏埋呢場完美收官，強捧「讓球客勝」。

（now 632周日凌晨1時直播）

至於蘇超三哥恩華尼斯走勢凌厲，之前連盃賽6仗4勝2和未輸過，並轟入16球，前鋒比利麥基一人包辦10粒，此子現喺射手榜累積12球，僅以1球落後畀喜伯年嘅利治格菲斯，真係銳不可當。包尾大幡登地明顯唔夠班，作客戰績又特曳，況且佢哋上次主場對恩軍都大敗1比4，今仗作客亦係等炒格，「讓球主勝」捧得過。

（周六晚11時開賽）

猪拉多纳